Adóro te devóte, látens Déitas, Quæ sub his gúris, vere látitas, Tibi se cor meum totum, súbjicit, Quia, te contémplans, totum dé cit.

Visus, tactus, gustus, in te fállitur, Sed audítu solo tuto créditur, Credo quidquid díxit Dei Fílius, Nil hoc veritátis Verbo vérius.

In cruce latébat sola Déitas,
At hic látet simul et humánitas,
Ambo támen crédens átque cón tens, Peto quod petívit latro pœnitens.

Plagas, sicut Thomas, non intúeor, Deum támen meum te confíteor, Fac me tibi sémper mágis crédere, In te spem habére, te dilígere.

O memoriále mortis Dómini,
Panis vivus, vitam præstans hómini, Præsta meæ menti de te vívere,
Et te illi semper dulce sápere.

Pie pellicáne, Jesu Dómine,
Me immúndum munda tuo sánguine, Cujus una stilla salvum fácere,
Totum mundum quit ab ómni scélere.

Jesu, quem velátum nunc aspício, Oro fíat illud, quod tam sítio,
Ut te reveláta cernens fácie,
Visu sim beátus tuæ glóriæ.

Amen.